Mottoprolog

11.11.2021

E Johr isch scho wieder vorbei

un passiert isch allerlei. 

Wer het des scho denkt, 

dass Corona immer no unser Lebe lenkt.

Mir alli muen verzichte

un sotte doch nit über anderi richte. 

Uns Narre fallt des schwer, 

denn die Fasnacht fehlt iis sehr. 

Trotdem mache mir s Beschte druss

un schiebe hütte kai Verdruss,

sondern bringe unser Motto uf s Papier 

und trage des vo Dür zu Dür.

Drum denket eifach nit z viel noch

nemmet de Chopf au hoch. 

De chasch s drülle un au wende,

am End sotsch kei Zit verschwende.

Unseri Mutti der Nation

sitzt nümmi uff em Thron.

Anderi wän jetzt regiere 

und sin am diskutiere. 

Vu Ampel duet ma schwätze 

aber s duet scho ganz schön rätze,

denn wu zwei sich schtritte

freut sich meischtens e Dritte.

Wichtigi Ufgabe un Entscheidige liege a

Me cha numme hoffe, si denke dra. 

Ob Klima, Rente oder Pandemie, 

numme mit Reforme griegt me des hi. 

De chasch s drülle und au wende, 

do sott me kai Zit me verschwende. 

Au z Huttinge bliebe si nit verschont, 

aber die sin des jo gwohnt. 

Endlich wieder e Grümpelturnier, 

mit Güggeli un ganz viel Bier. 

Für die ganze Lüt e schönes Fescht

un wie me ghört het, mit viele Gäscht.

Um alles duet me luege, 

dass nüt grotet us de Fuege. 

Alli werde mit viel Ufwand registriert, 

au wenn s im einde oder andere pressiert. 

Am Igang hänge au no großi Schilder

mit Hinwiis un e paar Bilder. 

Doch eins, des muess ich hald scho sage, 

es cha sich niemer do drüber beklage,

denn do chasch denn lese

- Es isch hald im Huttiger si Wese -

Dass de bim Trinke un Esse

di Mundschutz chasch vergesse. 

De chasch s drülle un au wende, 

dodemit duen si Farb verschwende.

Wenn einer eine Reise tut, 

dann isch meischtens alles guet. 

Nach Italie durch d Schwiz führt de Weg

s Vergari Manu freut sich un isch zweg.

Will s Wetter isch so guet

über de Gotthard si dann fahre duet. 

Obe achu duet si mol pausiere

und goht e bizzeli spaziere. 

Die Zit vergoht dert ganz schön schnell. 

Un si will achu solang s no isch hell. 

Also sitzt si in ihre Chare 

un duet vum Pass denn abefahre. 

Unte achu griegt si e Schreck

un alles het chai Zweck, 

denn irgendwo vor lutter gnieße

hät si abbiege mieße. 

So fahrt si hald ganz schnell

au no durch s Tunell. 

De chasch s drülle un au wende, 

do duesch halt Zit verschwende.

Am Flohmärt bringt me alsi Sache an de Maa

Die me nimmi bruche cha. 

So will au de Witt Heinz e Sägi dert verchaufe

un hofft, dass viel Lüt durch s Dorf duen laufe. 

Doch des Ding goht nit ewäg,

alles schwätze het kai Zwäg. 

So blibt si über Nacht dert stoh

Bis am nächschte Morge de Pfeffer vorbei duet goh. 

Sälle denkt, die duet er hole,

denn für für gschenkt cha sich des lohne. 

De Heinz chunnt heim un fangt a flueche

jetzt mueß er die Sägi no go sueche.

Irgend wenn griegt de Pfeffer des au mit

un denkt sich, do stimmt wbbis nit. 

Wu ner die Brille ufsetzt, sieht er s gli, 

Do war e Zettel "zu verkaufen" jo debi. 

Do chasch s drülle un au wende

die Sägi war halt nit zum Verschenke.

 De Räbbammert macht jetzt Schluss, 

un het debi e weng Verdruss.

Denn Papier isch hald nit s gschproche Wort

mit euch zämme am gliiche Ort. 

Viel lieber dät ich in de Bütt jetzt stoh

un mit euch e Sau fliege loh. 

Doch au dies Johr soll s nit sii

trotzdem hämmer iiser Motto debi. 

De chasch s drülle un au wende

Am End sotsch kai Zit verschwende.

CHLOTZE - ROLLI

De Räbbammert vu Ischtei